Islam at Kristiyanismo

        Nagkakaiba ang gawi at pamumuhay ng mga Asyano dahil sa pagkakaiba ng kanilang pananalig. Ang pananalig na ito ang nagbibigay sa mga asyanong ideya kong paano sila namumuhay. Ito rin ang nagsisilbing gabay nila sa pagbuo ng kani-kanilang gawi at tradisyon.

Islam --- ang pagpapakumbaba at pagpapasakop. ito ay itinatag ni Muhammad sa Medina na ngayon ay                     Iraq.
          --- (Arabiko: الإسلام; al-islām), "pagsuko (sa kalooban ng Diyos)" ay isang pananampalatayang monoteismo at ang ikalawang pinakamalaking relihiyon sa mundo. Ito ay isang Abrahamikong relihiyon kasama ng Kristiyanismo at Hudaismo kaya't malapit na kamag-anak ng mga pananampalatayang ito. Naniniwala ang mga tagasunod ng Islam na kilala bilang mga Muslim na ipinahayag ng Diyos (Allah sa Arabo) ang kanyang banal na salita sa sangkatauhan sa pamamagitan ng maraming mga naunang mga propeta, at ni Muhammad na siyang huling propetang Islam.

• Koran-banal na aklat ng mga Muslim.
• Hegira-si Muhammad ay lumikas mula Mecca patungong Medina.
• Ulama-kilalang mga guro na nag-aaral ng mga salita at pagaral ni Muhammad.
• Mosque-bahay panalanginan.
• Jihad-holy war.
• Muhammad-propeta ng Diyos na nagpasimula ng Islam, pinakaunang Muslim.
• Five Pillars-napapalob dito ang mga gawi,tradisyon,pagpapahalaga at batas Islamaic ng   pamayanan.
• Ulama-kilalang mga guro na nag-aaral ng mga salita at pangangaral ni Muhammad.
• "Night of Power"-o "Gabi ng Kapangyarihan". Ito ang pinaniniwalaan ng mga Muslim  na gabi         nang kausapin ni Angel Gabriel si Muhammad.

Five Pillars:

1. Pananalig-Ang bawat nilalang na nagnanais maging Muslim ay kinakailangang magpahayag ng kanyang pananalig na "walang ibang Diyos kundi si Allah at si Muhammad lamang ang Propeta".
2. Pananalangin-Ang isang Muslim ay kinakailangang manalangin ng limang ulit sa loob ng isang araw. Muezzin ang taguri sa tagapahayag ng mga Muslim sa oras ng pananalangin.
3. Paglilimos-Ang bawat Muslim ay inaasahang magkaloob ng bahagi ng kanyang kita o kayamanan sa mga mahihirap.
4. Pag-aayuno-Ang bawat Muslim ay kinakailangang mag-ayuno sa buong buwan ng Ramadan.
5. Paglalakbay-Isnaasahang makagawa ng isang banal na paglalakbay ang isang Muslim sa Mecca minsan man lang sa tana ng kanyang buhay. sa paglalakbay na ito, ang bawat Muslim ay kinakailangang umikot ng pitong ulit sa paligid ng Ka'aba, ang itinuturing nilang bahay panlanginan ng mga Muslim. ito ay nagtatapos sa pagtayo ng mga Muslim sa Arafat, kung saan pinaniniwalaang nagbibigay ng kanyang huling pangaral si Muhammad. sa pook na ito humihiling ng kapatawaran sa kanilang pagkakasala ang mga Muslim.

Kasaysayan

      Si Muhammad ang nagtatag ng Islam at tinuturing ng mga Muslim bilang isang sugo(messenger) at propeta ng Diyos ( Allah) at ang huling tagapagdala ng batas sa magkakasunod na mga propetang Islamiko. Dahil dito, si Muhammad ay itinuturing ng mga Muslim na tagapagpanumbalik ng hindi nalikong(uncorrupted) orihinal na monteistikong pananampalataya (islām) ni Adan, Noe, Abraham, Moises, Hesus at iba pang mga propeta.  Siya ay ipinanganak noong 570 CE sa siyudad ng Arabia na Mecca. Siya ay naulila sa batang edad at pinalaki ng kanyang tiyuhing si Abu Talib. Siya ay kalaunang nagtrabaho bilang isang mangangalakal gayundin din bilang isang pastol at unang nakapag-asawa sa edad na 25. Sa pagiging hindi masaya sa kanyang buhay, siya ay tumungo sa isang kweba sa mga paligid na kabundukan upang magnilay nilay. Ayon sa mga paniniwalang Islamiko, dito sa lugar na ito sa edad na 40 sa buwan ng Ramadan nang kanyang matanggap ang unang pahayag mula sa diyos. Pagkatapos ng tatlong taon pagkatapos ng pangyayaring ito, kanyang sinimulang ipangaral ng publiko ang mga pahayag na ito na naghayayag na "ang diyos ay isa", ang kumpletong pagsuko dito(islam) ang tanging paraang katanggap tanggap sa diyos at siya ay isang propeta at sugo ng diyos tulad ng ibang mga propetang Islamiko. Siya ay nagkamit ng ilang mga tagasunod sa simula ngunit nakatagpo ng pagsalungat mula sa ilang mga tribo sa Mecca. Upang makatakas sa pag-uusig, si Muhammad ay nagpadala ng ilang mga tagasunod nito sa Abyssinia bago siya at ang kanyang mga natitirang tagasunod sa Mecca ay lumipat sa Medina(na kilala sa panahong ito bilang Yathrib) noong taong 622 CE. Ang pangyayaring ito na tinatawag na Hijra ang naghudyat ng pasimula ng kalendaryong Islamiko na kilala rin bilang Kalendaryong Hijri. Sa Medina, pinag-isa ni Muhammad ang mga tribo sa ilalim ng konstitusyon ng Medina. Pagkatapos ng walong taon ng pakikidigma sa mga tribo sa Mecca, ang kanyang mga tagasunod na lumago na sa panahong ito sa mga 10,000 ay sumakop sa Mecca. Winasak ni Muhammad ang mga simbolo ng paganismo sa Mecca at ipinadala ang kanyang mga tagasunod upang wasakin ang lahat mga natitirang templong pagano sa buong Silanganing Arabia. Noong 632 CE, mga ilang buwan pagkatapos ng pagbalik nito sa Medina mula sa kanyang Pilgrimaheng Pagpapaalam, si Muhammad ay nagkasakit at namatay. Sa panahon ng kanyang katamayan, ang karamihan sa Arabian Peninsula ay naakay sa Islam at kanyang napag-isa ang mga tribo ng Arabia sa isang relihiyosong Muslim na politiya. Ang mga pahayag(o Ayah) na literal na nangangahulugang "mga tanda [ng diyos]" na iniulat ni Muhammad na kanyang natanggap hanggang sa kanyang kamatayan ay bumubuo ng mga bersikulo o talata ng Qur'an at itinuturing ng mga Muslim bilang "salita ng diyos" at batayan ng relihiyong Islam. Bukod sa Qur'an, ang buhay ni Muhammad at mga tradisyon(sunnah) ay pinanghahawakan din ng mga Muslim. Ang kanyang mga ginawa ay binatikos ng kanyang mga tagasunod at kalaban sa loob ng mga siglo.

Kristiyanismo-ang Kristiyanismo ang pinakamalaking relihiyon sa daigdig na binubuo ng may 1.9 bilyong          tagasunod. Ang relihiyong ito ay nababatay sa buhay at pangangaral ni Hesukristo.

•  Monotheist-naniniwala sa isang Diyos lamang.
• Palestine-kinikilalang banal na lupain ng mga Kristiyanismo.
•  Jerusalem-sentrong banal napaglalakbay.
• Palm Sunday-araw ng palaspas, na gawa sa dahon ng Palma ang hudyat ng pagsisimulang Banal na Linngo sa Kalendaryong mga Kristiyano.
• Krus-simbolo ng pagmamahal ni HesuKristo sa sangkatauhan.

Kasaysayan

       Ang pinaniniwalaan (ng mga Kristiyano) na tagapagtatag ng Kristiyanismo na si Hesus ay pinaniwalaang ipinanganak sa Romanong Judea sa pagitan ng 7 BCE at 2 CE. Ang Kristiyanismo ay nagsimulang kumalat mula sa Herusalem tungo sa mga lugar gaya ng Syria, Assyria, Mesopotamia, Phoenicia, Asia Minor, Jordan at Ehipto. Ang Kristiyanismo ay ginawang opisyal na relihiyon ng estado ng Armenia noong 301 CE, Georgia noong 319 CE, Imperyong Aksumnite noong 325 CE at ng imperyo Romano noong 380 CE. Ang mga kondisyon sa imperyo Romano ay nagpadali sa pagkalat ng mga bagong ideya. Ang mga mahuhusay na lansangan at mga daanang pantubig ay pumayag sa madaling paglalakbay samantalang ang Pax Romana ay gumawa sa paglalakbay mula sa isang rehiyon tungo sa isa pa na ligtas. Ang mga sinaunang Kristiyano ay nakaakay ng mga pamayanang Hudyo sa buong Dagat Meditteraneo. Bagaman ang karamihan ng mga naakay sa Kristiyanismo ay mula sa Imperyo Romano, ang mga kilalang pamayanang Kristiyano ay itinatag rin sa Armenia, Iran at sa kahabaan ng Baybaying Malabar. Ang bagong relihiyon na Kristiyanismo ay pinakamatagumpay sa mga lugar na urbano at kumalat muna sa mga alipin at mga tao na may mabababang mga katayuan sa lipunan.

Isipin:

  Paano nakakaapekto ang relihiyon sa isang lipunan?

Reference:

• Kayamanan (Kasaysayan ng Asya) Bagpng Edisyon II nina: Eleanor D. Antonio, Maria Carmelita B. Samson, Evangeline M. Dalio, Consuelo M. Imperial at Celia D. Soriano
• Kasaysan ng Mundo III ni Bro. Andrew Gonzales, FCS , Cristina R. Velez at Elyria C. Bernardino
• http://tl.wikipedia.org/wiki/Islam
• http://tl.wikipedia.org/wiki/Kristiyanismo
• http://moro.arabblogs.com/tagalog13.htm

Inihanda ni: Karla Lahom BSED2A